Kanabis, heroinë dhe kokainë, forcat “Shqiponja” arrestojnë 5 persona në Tiranë

12:06 | 3 Mars 2022
Fjolla Bajraktari

Pesë persona janë arrestuar në Tiranë, pasi akuzohen për vepra të ndryshme penale.

Një 21-vjeçar, M. H., u arrestua pasi gjatë kontrollit fizik nga “Shqiponja”, iu gjet dhe sekuestrua në cilësinë e provës materiale, një sasi lënde narkotike e llojit cannabis sativa. Edhe bashkëmoshatari i tij, F.V., u arrestua për të njëjtën arsye.

Edhe një 34-vjeçar, E.P., ra në pranga pasi gjatë kontrollit fizik, policia gjeti dhe sekuestroi në cilësinë e provës materiale, një sasi lënde e dyshuar narkotike e llojit heroinë dhe një mjet prerës (thikë metalike);

Po ashtu, dy 26-vjeçarë, K. Xh. dhe D.C., u arrestuan për veprën penale “Prodhimi dhe shitja e narkotikëve” kryer në bashkëpunim, pasi gjatë kontrollit fizik nga shërbimet e Forcës së Posaçme “Shqiponja”, është gjetur dhe sekuestruar në cilësinë e provës materiale një sasi lënde e dyshuar narkotike e llojit cannabis sativa./TopChanel/

Shpërndaje në rrjete sociale

Lajmet më të lexuara

Të ngjashme

Foto lajm